الهدف من المنتديات بقلمي

مرحبا بنات
الموضوع بقلمي وصراحة انا مو كثير شاطرة
بصياغة الكلمات بس رح احاول انو الفكرة توصلكم
اليوم كان عمي عنا وسألني انتي على الشات والدردشة بتقعدي على النت ولا على شو :
احكيتلوا على المنتدى وانا عملتوا
احكالي اوك حلو يعني انتي كبيرة وبتفكري كيف تستفيدي وتفيدي
بس لازم تنتبهي انو في وراكي واجبات هون بالبيت مع عائلتك المنتدى انك تستفيدي وتفيدي من حولك من الأخرين بدون ادمان كبير عليه يعني ساعة ,ساعتين وروحي اشتغلي شوي خلصي وارجعي اقعدي شوي
لا تنسي عائلتك قومي اقعدي معها ساعة , ساعتين شاركيهم بالحكي وبعدين ارجعي انتي حرة
هسة انا لما فكرت بكلامه تذكرت ايشي مهم انا اول مرة دخلت فيها منتدى كنت بقرا الموضوع عنجد وما كنت اترك كلمة فيه
واذا في معلومة جديدة احكيهل لأهلي وإلي حولي كانت متعة عنجد نلعب مع بعض نمزح مع الأعضاء صديقات جدد افكار جديدة عالم ثاني صراحة
بس فجأة تغير معي كل ايشي صار همي اني اكسب مشاركات بدي اصير عضو مميز بدي الكل يعرفني صرت بس ارد بدون حتى ما اتفرج على الموضوع بس العنوان إلا ما ندر طيب هسة هون راحت فكرة المنتدى الفكرة نلعب وننبسط ونتعلم ونستفيد كنا نتنافس بس كمان كان في حلاوة بالموضوع
هسة عنجد بسأل حالي شو الفايدة انو بس ارد او بس اعمل مواضيع ليش عشان يرتقي المنتدى بس
انا طبعا بدي المنتدى يرتقي بس مش معناه انو يصير ايشي ممل بالعكس الواحد لازم يحب وجوده بالمنتدى يعني انا كنت بس ازهق اروح على الألعاب وبلعب فيها شوي
بنتسلى بنمزح مع بعض بنروح على قسم ملتفى الأعضاء والأهم ما ننسى كمان واجباتنا بالبيت وما ننسى نشارك اسرنا
يعني ملخص الموضوع نقطتين:
لا تردي على موضوع وانتي ما بدك تقريه بس عشان المشاركات او لقب معين ردي بس لأنك استفدتي من الموضوع وتعلمتي منو ايشي مفيد
وثاني ايشي لا تنسي انو الحياة بتفرقنا عن إلي منحبهم فلا تخلي النت او المنتدى يوخذ من وقتهم المخصص عشان بكرة ما تندمي
وبتمنى يكون كلامي واضح وما اكون طولت عليكم هو عنجد موضوع مفيد وياريت الكل يشوفه للنهاية
ويعمل فيه
تحيااتي الهدف من المنتديات بقلمي 2265158854

غـآليـة قلـبي لكل حرف نثر هنـآ كان مركزهـ العقل قبل القلب ..
لشظايا ما كتبتيه التـآثيـر القوي الذي يستطيع ان يختلج النفس بما فيها من احاسبس
لا تحرمينـآ
لآ تحرمينـآ من كل ما تستطيعي البوح بهـ فقد وجدت هنـآ قلبـآ نقيو عقلآ سليمـآ يريد الحب و الخيـر لجميع الآنـآس
تحيـآتـي

مشكووورة على ما خطه قلمك لنا في هذه الصفحة

شكرا على المرور وبتمنى انو الكل فهم معنى الموضوع

اى فعلاً كل كلمة كتبتيها صحيحة مئة بالمئة
وانا كمان كنت فى الأول أقرأ الموضوع بتمعن وأضل أدقق فى الكلام ومايعنيه بس من فترة هيك صرت أقرأ الموضوع وماأفهمه وأوقات ماأكمل قرأته بس أكتب ردود وخلاص وكل هاد عشان أكتر من مشاركاتى
بس هلا خلاص رجعت متل الأول ومابدنا ردود تافهه أو ردود لاتكون لها أى دخل بأساس الموضوع بدنا ردود مبتكرة وتعمق فى المواضوع وماهو أساسه وماالأستفادة منه
غاليتى زهور لطالما أبدعتينا بكلماتكِ المميزة فلاتحرمينا منها ابداً
وواصلى ابداعكِ عزيزتى
تحياتى لكـِ

اي حبيبتي الحمد لله إلي رجعتي مثل اول
فالمنتدى هو مكان لتعلم والإستفادة مش حلبة سباق لزيادة المشاركات
مشكووورة على مرورك الجمييل