آنوآع الشبآب .. و رخآمتهمـ .!@

النوع الاول:ابجد هوز نت لسه بيزحف بيبى

دة بقى يا بنات تلاقوة اول مرة يدخل منتدى اساس يدخل ع التعارف هاى ازيكوا انا اسمى فلان ومن المكان الفلانى وبدرس كذا وف جامعه كذا وتلاقيه بسم الله ماشاء الله عليه ماصدق حد يعرف عنه حاجه بيقول علطول ولا كانها ماسورة معلومات واتكسرت ولمر ورائه بقا المعلومات ودة بقى بيبقى يا اما سمع على المنتديات واللى فيها يا اما بيجرب حظه وعاوز يتعلم بجد ويشارك ويناقش

النوع التانى:اللى بيقعد ع النت بس مش كتير البنات هيضيع ابدا تريقة الشباب

دة بقى يدخل المنتدى يرد على توبيك ولا اتنين ويفضل فى المنتدى ساكت ما يتحركش تبعتيله رساله فينه مش حد بيشوفه ليه اون لاين ولا بيرد كتير ليه يقولك اصلى مش فاضى تصورى دة انا مش فاضى اهرش اساسا ويا سلام لو جيتى تبعتى رساله عشان عاوزاه يعملك فيها عبده المهم ومايردش الا بعد يومين ويقولك اسف كنت مشغول مش عرفت ارد..دة بقى لو دخلتى كلمتيه ميل يقولك انا مش فاضى اكتب ايه رائيك نكمل الكلام فى التليفون ده بقى يا تلاقيه مش حسيس ويزن انك تديهولو يا اما يقولك خلاص مش عاوز حطينى فى التجاهل

النوع التالت:عم المقموص
دة بقى اول ما تبعتيله لينك توبيك مش يرد تبعتيله رسايل مش يرد ولما ربنا ينتعه بالسلامه ويرد يقولك انا زعلان وبيبقى حاطط ايديه على كليك الزعل اى حاجه تقوليهالو بهزار تبقى جد ولو بتتريقى على حد يبقى هو . ويا سلام لو طلب منك رقمك وانتى اعتذرتى يقولك يبقى انتى مش واثقه فيا يا اما يقولك انا احترم قرارك ومش هطلبه ويتمصلك كل شويه احلى حاجه ولريح حاجه انك تعمليه فى قائمه التجاهل
النوع الرابع:عم الخفه<الظريف>البنات هيضيع ابدا تريقة الشباب

دة بقى متفهميش مين قالوا انك دمك خفيف كل ما يكلمك يفضل يستظرف ويقولك افيهات المطلوب منك انك تموتى على روحك من الضحك بس حاسبى يا حبيبتى كله الا اعصابك فاريح حل ليه يحصل اخوه وتحطيه
فى التجاهل

النوع الخامس:المزاجنجى

دة بقى كل شويه بحال شويه فرحان ويبسطك وشويه يدخل المواضيع ويرد بكابه وشويه مجنون فى تصرفاته وشويه تلاقيه عاقل ورزين ومرة واحده يقلب تبت وغلس ورخمومرة تانيه تلاقيه امور ولطيف وجانتى خالص فالحكايه يعنى مش ناقصه هبل وجنان اعمليه زى اخواته فى التجاهل وريحى نفسك

النوع السادس:اللزقهالبنات

دة بقى كل ما تدخلى المنتدى تلاقيه راشق فى بروفايلك انتى فى الموضوع دة ليه؟يبعتلك رساله ويا سلام لو مش رديتى فى ساعتها يقولك انتى كنتى بتعملى ايه؟والواد دة باعتلك لينك ليه ويا سلام لو قالك افتحى ميل وقعدتى فترة لغايه ما فتحتى يقولك ليه انتى كنتى فين؟وانت مالك اصلا دة انت لازقه بصحيح

النوع السابع:عم الناصح

دة بقى نهارك مش باسينله ملامح لو بعتى لواحد او واحده تهزرى معاها يعلقلك ويديكى حكم ومواعظ.لا وفى عروض خاصه اتكلمى كلمه تاخدى عليها 60 نصيحه هديه ويااااااه لو عملتى توبيك فى الصور ولا عملتى توقيع جديد يقولك عارفه لا خدى الصورة دى احسن واشبعى منه حكم بقا اقولك حل حلو اعمليه فى قائمه التجاهل مع اخواته هو كمان
ع الثامن:الحبيب<بيحب على روحه>

دة بقى يدخلك جرى على قسم المشاكل ف الحل او كلام فى الحب ويقولك يا جماعه الحقونى انا حواليا كتير والكل معجب بيا سوسو وتوتو وشوشو حتى فوفو بتموت فيا وفى الكليه الكل بيجرى ورايا<اكيد سارق منهم حاجه>وياااااااااه لو كلمت واحده تموت فيا المصيبه بقى اول ماتدخلى تكلميه او تتعرفى عليه يفهم علطول انك بتكوتى فى دباديبه وعاشقه جماله ف الضلمه ولو قولتيله حاجه هيفهم انك معجبه بيه وهتموتى عليه ماهو اصله مش بمزاجك هتحبيه هتحبيه طبعا عارفه نصيحتى شووووووووطيه مع اللى قبله فى التجاهل

النوع التاسع:حوارنجى

دة بقى يدخل قسم السياسه يقولك دة حرام اللى بيتعمل انا لو بايدى حاجه كنت خليت بابى يظبطهم ويدخلك على قسم السيارات وبقولك العربيه دى كانت عندى بس جبت الاحدث واصحابى كانو هيموتو عليها فى الجامعه ويدخلك على الكوره يقولك الماتش اللى فى كوالا لمبور دة انا روحتو وكان مهازل وخدى من الحوارات والتهتيش ده كتير

النوع العاشر:بابا اوبح

دة بقى تلاقيه قاعد ع المنتدى من ساعه ما اتولد,ودرس,واشتغل,وخطب,واتجوز.وخلف وعياله خلفه وهو قاعد بيتعرف ع البنات وكل ما يكلم واحده يقنعها انه عنده 20 سنه ولسه عاوز عروسه ويحور عليها قصه حياته وعارفه ولو دخلتى باسم عضوة تانى هتلاقيه داخلك وحور عليكى قصه متالفه تماما يعنى هتسمعى كل يوم قصه شكل طبعا اريح حل قايمه التجاهل موجوده

ياترى ايه رايكم يا بنات خدت حقكم ولا لسه؟؟؟؟؟؟؟؟؟؟

عامة لو لسة خدوا القصيدة دى عشان تعرفوا ان الله حق

حركات الاولاد عالنت
عم بتخلى العقل يشت

يعمل انسان راقى رومانسى
ويعيش فى الاحلام الوردى
يكتب شعر ويا خواطر
وكلام حب الولا ايه ... شااااطر
اتاريه يكتب بس كلام
لو يتكلم يبقى حرام
مبيعرفش يقول ولا كلمه
يتبرجل وبيضرب لخمه

وتلاقى غيره يخش شمال
يتخانق على طول فى الحال
علشان يظهر كده فى الصوره
ويبان ايه لغز و فزوره
لكن لو دورت وراه
تلاقيه فاضى من جواه

وواحد تانى تلاقيه عايب
يعمل نونو اتاريه شايب
بيهنى ويشكر فى بنات
على موضيع هايفه وغبوات
وان لقى موضوع حلو و عجبه
ولقاه راجل يسحب رده
يدخل على طول ثقه وهدوء
وان كلمته يقولك ذوق
واما يقولها حب وشوق
تلقى البنت قوام بتفوق
يبعد ال ايه جرح كرامته
وان لقى غيرها بترجع عادته

حركات الاولاد عالنت
عم بتخلى العقل يشت

و ده عشان تعرفوا ان الاولاد رخمة بشكل فظييييييييع

الرخم: الو

صاحب التليفون: الو

الرخم: السلام عليكم

: الى بترخم علية : وعليكم السلام مين

الرخم : لو سمحت الاستاذ سيد مقص موجود

الى بترخم علية : لا والله النمرة غلط

الرخم :طب لما يجى قولو سوستا الترزى سأل عليك

الى بترخم علية: قلتلك ان النمرة غلط

الرخم: طب شكرا باى

الى بترخم علية: طب ياسيدى

السماعة اتقفلت تيت تيت تيت تيت تيت تيت تيت تيت تيت تيت

تانى مرة

الرخم: الو

الى بترخم علية: الو مين

الرخم :السلام عليكم

الى بترخم علية: وعليك السلام

الرخم :لو سمحت الاستاذ سيد مقص موجود

الى بيترخم علية: انا قلت لحضرتك انو مش موجود والنمرة غلط

الرخم : طب ادهونى لو سمحت

الى بيترخم علية: ياعم والمصحف النمرة غلط وربنا انتا مش مصدقني لية

الرخم :طب شكرا باى

الى بيترخم علية : باى ياعم

السماعة اتقلت تانى

تيت تيت تيت تيت تيت تيت تيت تيت تيت

تالت مرة

الرخم: الو

الى بترخم علية : الو مين

الرخم :لو سمحت الاستاذ سيد مقص موجود

الى بيترخم علية: ياعم والله والمصحف وربنا النمرة غلط غلط غلط غلط يلهوى انت اية

الرخم: طب لما يجى قولو سوستا الترزى سال عليك تانى مره وكل مره بيكلع غلط خلى يصلح الخط بتاعه

الى بترخم علية : ياعم انتا بتفهمش قلتلك انى النمرة غلط

الرخم : طب باى

السماعة اتقفلت تيت تيت تيت تيت تيت تيت تيت تيت تيت تيت تيت

رابع مرة هههههههههههههههههههههه

الرخم: الو

الى بترخم علية : انتا تانى ياعم غلط كفاية كدة بقى انتا عبيط ولا اية

الرخم : أنا سيد مقص حد سأل عليا

اللي بترخم عليه : يا قليل الأدب لو ما قفلتش هاتصل بالبوليس

يبسب
الرخم : طيب باي

تووت توووت توووت

الرخم : ألو

اللي بترخم عليه : ألو مين معايا

الرخم :أنا البوليس مالكش دعوة بسيد مقص
__________________

سيد مقص ده يجنن
انا سيد مقص هههههههههههههههههه
يسلمو يؤش على الموضوع
في رعاية الله يا جميل

انا سيد مقص
اي خدمة هووووع
موضوع تحححفة يا قمر
يسلمو ضحكتيني موووت