الطبخة معكرونة بالفرن
المقادير
لحمة مفرومه"ممكن تستبدل بصدور دجاج مفرومه"
4-5 بصلات متوسطات
ثوم "فصين بس"
زيت زيتون
معكرونة "النوع اللي بتحبوة" انا بستخدم النص هلال
ملعقتين من الصلصة"رب البندورة"
الطريقة:
اول شي لازم نجهز اللحمة,بنحطها ع النار بالطنجرة وبضل نقلبها حتى تنزل ميتها ويابنكبها او بنشفها بالنار
بعدين بنضيف زيت زيتون بمقدار 3 ملاعق كبيرة,وبنكون فرمنا راسين بصل او 3 ناعم وبنزلهم على اللحمه
بعدين بنحط ملح وفلفل اسود وطبعا ع حسب الرغبة.
هلا بنحط مي بتغلي ع النار وبنحط فيها ملح وزيت زيتون وبنزل المعكرونه فيها
بنسلق المعكرونه نص سلقه وبعدين بنشيلهامن المي وبنصفيها,,,
بنحط هلا طنجرة ع النار وفيها زيت زيتون وبصله مبشورة ناعم مع الثوم المبشور وبندبلهم شوي
بنحط الصلصة وشويه بهار مطحون "مشكل حسب الرغبة" وفلفل احمر حراق"حسب الرغبة"
بنحطلهم مي بتغلي بتكون مقدار المي بنفس مقدار المعكرونه يعني بس تغطيها
وبنحركهم لحد ماتشرب المعكرونه كل المي وتستوي منيح
هلا بنجيب الصينيه
بنحط طبقة معكرونه وبعدين لحمه وبعدين معكرونه
وبنحطها بالفرن ع الشوايه لحد ماتتحمر المعكرونه وبعدين بنطلعها وبنحطها بصحون,,,
وصحة وعافية
الخميس يونيو 07, 2012 2:13 pm
